Ўзбекистон, Тошкент - Batafsil.uz. Ўзбекистон Республикаси Марказий банкининг 2026 йил 1 май ҳолатига кўра тақдим этган маълумотларида жисмоний шахсларнинг умумий кредит қарздорлиги 230,77 триллион сўмни ташкил этди. Ўтган йилнинг шу даврига нисбатан (220,3 триллион сўм) кўрсаткич 10,5 триллион сўмга ўсган бўлиб, бунда ипотека кредитлари асосий улушни эгалламоқда.
Кредит портфелининг таркибий таҳлили шуни кўрсатадики, аҳоли асосан уй-жой сотиб олиш мақсадида банк маблағларига таянмоқда. Хусусан, ипотека кредитларининг умумий ҳажми 83,9 триллион сўмга етиб, ўтган йилга нисбатан 4,5 триллион сўмга кўпайган. Бу кўрсаткич аҳоли кредитларининг энг йирик сегменти сифатида қолмоқда.
Қарздорликнинг қолган қисми қуйидаги йўналишлар бўйича тақсимланган:
- Микроқарзлар: 50,1 триллион сўм;
- Микрокредитлар: 44,3 триллион сўм;
- Автокредитлар: 39,6 триллион сўм;
- Таълим кредитлари: 6,9 триллион сўм (ўтган йилга нисбатан ўзгаришсиз);
- Истеъмол кредитлари: 515 миллиард сўм.
Ушбу рақамлар мамлакат аҳолиси орасида транспорт воситаларини харид қилиш ҳамда кундалик эҳтиёжларни молиялаштириш учун банк хизматларидан фойдаланиш кўлами кенгайиб бораётганини кўрсатмоқда.
Маълумот учун, 2026 йилнинг 1-чораги якунларига кўра, Ўзбекистон банк тизимида жами кредит қолдиғи 623,3 триллион сўмга етганди. Бу йил бошига нисбатан 3,2 фоизга ўсишни англатади.
Изоҳлар мавжуд емас