Ўзбекистон, Тошкент - Batafsil.uz. Ўзбекистонда ҳар йили даромади 1 триллион сўмдан юқори бўлган 50 та корхона танлаб олиниб, уларни акцияларни оммавий жойлаштиришга (IPO) тайёрлаш бўйича махсус дастур амалга оширилади. Корхоналарни IPOга тайёрлаш ва молиявий ҳисоботларини халқаро стандартларга мослаштириш харажатларининг ярми давлат томонидан қоплаб берилади.
Бунинг учун маҳаллий корхоналарни капитал бозорига олиб чиқишга қаратилган акселерация дастури йўлга қўйилади. Дастур нуфузли инвестиция банклари билан ҳамкорликда амалга оширилиб, хусусий секторга ташқи капитал бозорларидан йилига камида 1 миллиард доллар жалб қилиш имконини беради.
Бундай амалиётга жорий йилда Миллий инвестиция жамғармасининг 30 фоизлик улуши илк бор Тошкент ва Лондон фонд биржаларига чиқарилгани мисол бўла олади. Жамғарма 13 та стратегик активга эга бўлиб, мазкур тажриба хусусий сектор учун ҳам ташқи капитал бозорларига йўл очди.
Олдинроқ Ўзбекистонда ер участкалари аукционда қурилишга тайёр рухсатномалар билан сотилиши ҳақида хабар берган эдик.
Изоҳлар мавжуд емас