Ўзбекистон, Тошкент - Batafsil.uz. АҚШ миграция қонунчилигини бузгани учун яна 24 нафар Ўзбекистон фуқаросини ватанга қайтарди. Депортация қилинган фуқароларни олиб келган чартер рейс Тошкент халқаро аэропортига қўнган.
Маълум қилинишича, депортация жараёни икки давлатнинг тегишли идоралари ўртасидаги ҳамкорлик асосида амалга оширилган. Фуқароларнинг шахсини аниқлаш, ҳужжатларини расмийлаштириш ва уларни хавфсиз тарзда Ўзбекистонга қайтариш билан боғлиқ ташкилий-ҳуқуқий масалалар олдиндан мувофиқлаштирилган.
Ўзбекистон томони миграция соҳасидаги ҳамкорликни давом эттириб, хорижда бўлиб турган фуқароларнинг ҳуқуқ ва манфаатларини ҳимоя қилиш, шунингдек, ноқонуний миграция ҳолатларининг олдини олиш бўйича ишлар олиб бораётганини маълум қилди.
Сўнгги вақтларда АҚШ томонидан миграция қоидаларини бузган хорижликларга нисбатан назорат чоралари кучайтирилган бўлиб, бу жараён доирасида бир қатор давлатлар фуқаролари қаторида ўзбекистонликлар ҳам депортация қилинмоқда.
Мутахассислар хорижга чиқувчи фуқароларни қабул қилувчи мамлакатнинг миграция қонунчилиги талабларига қатъий риоя қилишга чақирмоқда.
Олдинроқ Япония Иммиграция хизматлари агентлиги мамлакатда ноқонуний равишда истиқомат қилиб келган икки нафар Ўзбекистон фуқаросини депортация қилганди. Япониянинг Тошкентдаги элчихонаси берган маълумотга кўра, ушбу шахслар мамлакатга аслида "талаба" визаси билан боришган, бироқ ҳужжат муддати тугаганидан кейин ҳам у ерни тарк этмай, ноқонуний равишда қолишга уринганларида ҳибсга олинган эди.
АҚШ яна 24 нафар Ўзбекистон фуқаросини депортация қилди
19
Ўзбекистон бўйлаб янгиликлар: Telegram-каналга уланинг
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0
Изоҳлар мавжуд емас