Ўзбекистон, Тошкент - Batafsil.uz. Коррупцияга қарши курашиш агентлиги ҳуқуқни муҳофаза қилувчи органлар ходимларини пора олмагани учун пул мукофоти билан тақдирлаш амалиётини ҳуқуқий нуқтаи назардан нотўғри деб ҳисобламоқда. Идора бу соҳадаги амалиётни чеклаш бўйича ҳукумат қарори лойиҳасини ишлаб чиққанини маълум қилди.
Бу ҳақида Batafsil.uz мухбирига агентлик матбуот котиби хабар берди.
Агентликнинг таъкидлашича, қонун талабларига риоя қилиш ва пора олмаслик давлат хизматчисининг қаҳрамонлиги эмас, балки унинг бевосита хизмат вазифаси ҳисобланади.
Мавзу Навоий вилоятида йўл-патруль хизмати ходимларидан бирининг 1000 доллар миқдоридаги пора таклифини рад этгани ва бу ҳақда раҳбариятига хабар
бергани учун 12,3 миллион сўм пул мукофоти билан тақдирланганидан кейин янада долзарблашган.
Коррупцияга қарши курашиш агентлигига кўра, қонун устуворлигини таъминлаш ва коррупция ҳолатларига қарши курашиш ҳуқуқни муҳофаза қилувчи органлар ходимларининг асосий функционал вазифалари ҳисобланади.
Идора маълум қилишича, бундай ҳолатлар устидан назорат махсус электрон платформа орқали марказлаштирилган тартибда амалга оширилади. Бу эса бюджет маблағларининг асоссиз сарфланишининг олдини олишга хизмат қилади.
Агентлик соҳада турлича ҳуқуқни қўллаш амалиёти ва эҳтимолий суиистеъмолларнинг олдини олиш мақсадида қўшимча чекловлар жорий этишни назарда тутувчи ҳукумат қарори лойиҳасини тайёрлаганини билдирган.
Изоҳлар мавжуд емас