Ўзбекистон, Тошкент - Batafsil.uz. Екатеринбургда уй-жойсиз қолиб, бир неча кун кўчада тунаган Навоий вилояти фуқаросига Ўзбекистон Бош консулхонаси ёрдам кўрсатди. Дипломатлар унинг шахсини аниқлаб, яқинлари билан боғланди ва ватанига қайтишини ташкил қилди.
"Дунё" ахборот агентлиги маълумотига кўра, бу ҳақда дипломатик ваколатхонага Екатеринбургда яшовчи маҳаллий аёл мурожаат қилган. У ўзбекистонлик эркак ёрдамга муҳтож эканини маълум қилган.
Бош консулхона ходимлари мурожаатдан сўнг эркакнинг шахсини аниқлаган ва унинг қариндошлари билан алоқа ўрнатган.
Шундан кейин ватандошнинг Екатеринбургдан Тошкентга авиарейс орқали қайтиши ташкил этилган. У Ўзбекистонга соғ-омон етиб келган.
Бундан олдин жорий йилнинг 22 август куни Қозоғистоннинг Қизилўрда вилоятидан ўтувчи "Шимкент–Самара" автомобиль йўлида содир бўлган мудҳиш йўл-транспорт ҳодисаси оқибатида ҳалок бўлган уч нафар Ўзбекистон фуқаросининг жасадлари Ватанга қайтарилганди.
Изоҳлар мавжуд емас