Ўзбекистон, Тошкент - Batafsil.uz. Ижтимоий тармоқларда "Анорбанк"мижозларининг телефон рақамлари, карталарга кириш ҳуқуқи ва шахсий маълумотлар базаси сотилаётгани ҳақида хабарлар пайдо бўлди. "Facebook"даги постлар муаллифи бу маълумотларни 400 долларга сотишга тайёрлигини таъкидлаган. Постлар тезда ўчириб юборилган, лекин улардан нусха кўчириб, Телеграм-пабликларда тарқатишга улгурилди. Вазият банкда ички текширув ўтказилишига сабаб бўлган.
"Анорбанк" бундай маълумотни кескин рад этиб, уни ёлғон ва банкни обрўсизлантиришга уриниш деб атади. Идоравий ахборот хавфсизлиги хизмати текширув ўтказиб, маълумотларнинг сизиб чиқиш аломатларини аниқламаган. "Шикоят" эълон қилинган аккаунт айнан эълон қилинган куни яратилган ва унинг сурати сохта бўлиб чиққан.
Банкнинг таъкидлашича, киберхавфсизлик тизими мижозлар маълумотларини ишончли ҳимоя қилади ва кўп босқичли авторизацияни, шу жумладан шахсни тасдиқламасдан рўйхатдан ўтмаган қурилмалардан киришни блоклашни таъминлайди.
Шунингдек, "Анорбанк" қонунчиликка мувофиқ била туриб ёлғон маълумот тарқатганлик учун бундай постлар муаллифлари ҳам, улар эълон қилинган сайтлар маъмурлари ҳам жавобгар бўлишини эслатмоқда. Банк ўз обрўсини ҳимоя қилиш учун судга мурожаат қилиш ҳуқуқини ҳам ўзида сақлаб қолади.
Яқинда “Анорбанк” катта жанжал марказида бўлди- Францияда банк бошқаруви раиси 48 ёшли Қаҳрамонжон Олимов ўғирлаб кетилди. Уни озод қилиш учун 10 миллион доллар товон пули талаб қилинган.
Ўғирлик тафсилотлари материалимизда берилган.
Изоҳлар мавжуд емас