Ўзбекистон, Тошкент – Batafsil.uz. Таътилдан сўнг талабалар онлайн ўқишга ўтказилмайди. Бу ҳақда Олий ва ўрта таълим вазирлиги Бош бошқарма бошлиғи Абдували Холиқов таъкидлаб ўтди.
"24 январдан сўнг таълим жараёни онлайн форматга ўтказилмайди. Якуний назорат имтиҳонлари ўз вақтида ўтказилади", - деди у.
Бундан ташқари, Олий ва ўрта махсус таълим вазирининг ўринбосари Раҳимжон Ҳакимовнинг қайд этишича, Ўзбекистонда кундузги шаклда таҳсил олаётган талабаларнинг 70 фоизи аллақачон ихтиёрий равишда коронавирусга қарши эмланиб бўлган.
Эслатиб ўтамизки, Ўзбекистонда олий таълим муассасалари, мактаблар, коллеж ва лицейлардаги таътил кунлари 24 январгача узайтирилди. Бу коронавирус билан касалланишнинг ошиши ва “омикрон” муносабати билан амалга оширилди.
Изоҳлар мавжуд емас