Ўзбекистон, Тошкент - Batafsil.uz. Праганинг Малостранске майдонида тўпланган юзлаб намойишчилар жумадан шанбага ўтар кечаси Чехия парламенти биносига ичкарига ёриб киришга уринди. Яқинда Сербия давлати ҳам фуқаролар норозилик билдирган эди.
Норозилик ҳаракатларига парламент қуйи палатасининг жамоатчилик медиасини молиялаштириш тизимини тубдан ўзгартиришни назарда тутувчи шов-шувли қонун лойиҳасини шошилинч равишда муҳокамага киритгани сабаб бўлган.
Қуйи палата 20 соатдан ортиқ давом этган марафон ва кескин муҳокамалардан сўнг, соат эрталабги 04:36 да ушбу қонун лойиҳасини биринчи ўқишда маъқуллаган.
Ҳукумат коалицияси (ANO, SPD ва Motorists) овоз бериш вақтини мажбурий чеклаб қўйгани сабабли, сўзга чиқиш учун рўйхатдан ўтган 65 нафар депутатгаму умуман имкон берилмаган.
Мухолифатнинг қонунни рад этиш ва қайта кўриб чиқишга қайтариш бўйича берган таклифлари етарли овоз тўплай олмаган.
Мазкур қонун лойиҳаси телевидение ва радио учун аҳоли томонидан тўланадиган анъанавий абонентлик тўловларини бекор қилиб, ОАВни тўғридан-тўғри давлат бюджетидан молиялаштиришга ўтказишни назарда тутади.
Бунинг оқибатида "Чехия телевидениеси" ва "Чехия радиоси"нинг биргаликдаги йиллик даромади келгуси йилда 1,4 миллиард чех кронасига қисқариши кутилмоқда.
Медиа ходимлари ушбу қарор ОАВ мустақиллигига таҳдид солаётганини таъкидлаб, 3 ноябрь куни бутун кунлик иш ташлаш ўтказишларини эълон қилишини таъкидлашган.
Олдинроқ Сербияда 150 минг киши Вучичнинг истеъфосини талаб қилиб, кўчага чиққанди.
Изоҳлар мавжуд емас