Ўзбекистон, Тошкент - Batafsil.uz. Тошкент шаҳрида 31 июлдан 3 август соат 22:00 гача Оққўрғон ва Паркент кўчаларининг айрим қисмларида автомобиллар ҳаракати вақтинча чекланади. Шу муносабати билан бир нечта автобус йўналишлари ўзгартирилди.
Маълум қилинишича, Оққўрғон кўчасининг Осиё кўчасидан Мустақиллик кўчасигача бўлган бир томонлама қисми ҳамда Паркент кўчасининг Мустақиллик кўчасидан Кичик ҳалқа йўлигача бўлган қисми транспорт воситалари ҳаракати учун ёпилади.
Чекловлар давомида 17, 24, 58, 60, 62, 70, 88, 89 ва 95-сонли автобуслар муқобил кўчалар орқали ҳаракатланади. Хусусан, айрим йўналишлар Оққўрғон, Катта Дархон, Кичик ҳалқа йўли, Паркент, Мирғолиббек (М. Улуғбек), Шаҳрисабз ва Махтумқули кўчалари орқали ташкил этилади. 62 ва 70-йўналишлар эса қисқартирилган тарзда М. Юсуф кўчасидаги сўнгги бекатгача ҳаракат қилади.
Масъуллар чекловлар давомида тирбандликлар юзага келиши, автобуслар ҳаракат жадвали ва интервалларида ўзгаришлар бўлиши мумкинлигини билдириб, йўловчиларга сафарларини олдиндан режалаштиришни тавсия қилган.
Изоҳлар мавжуд емас