Ўзбекистон, Тошкент - Batafsil.uz. Фарғона вилояти Тошлоқ туманида 28 нафар болани ноқонуний равишда олиб кетаётган Damas ҳайдовчиси ЙҲХХ ходимлари томонидан тўхтатилди. Ушбу транспорт воситасининг олдинги ўриндиғига 5 нафар бола жойлаштирилганига масъуллар томонидан эътироз билдирилди.
Маълум бўлишича, масъуллар ота-оналар ҳамда ҳайдовчиларни ташиш қоидаларига риоя қилиш бўйича бир неча бор огоҳлантирган.
Қонунга кўра, ушбу қоидабузарлик юзасидан ҳайдовчига нисбатан Маъмурий жавобгарлик тўғрисидаги кодекснинг 128-8-моддаси бўйича баённома тузилган. Бундан ташқари, унинг ҳисобига 0,3 жарима балли ёзилган.
Олдинроқ Навоий вилоятининг Нурота туманида 14 нафар болани ташиётган Matiz автомашинаси иштирокида юз берган мудҳиш йўл-транспорт ҳодисаси оқибатида боғча раҳбари вафот этганди, бир нафар бола кома ҳолатига тушган эди.
Изоҳлар мавжуд емас