"Тошшаҳартрансхизмат" электробусларнинг тезюрар йўналиши қандай ишлаши ва қолган автобуслар тақдири нима бўлиши ҳақида маълумот берди
Жамият

"Тошшаҳартрансхизмат" электробусларнинг тезюрар йўналиши қандай ишлаши ва қолган автобуслар тақдири нима бўлиши ҳақида маълумот берди

485

Ўзбекистон, Тошкент – Batafsil.uz ЯА. Аввал хабар қилинганидек, "Тошшаҳартрансхизмат" марказий кўчаларда бир-бирини такрорловчи автобус йўналишларини тез юрар автобус йўналишларига алмаштиришни режалаштирмоқда. Компания электробуслар қандай ишлаши ва қолган автобуслар қаерга кетиши ҳақида маълумот берди. Бу ҳақида мухбиримиз хабар бермоқда.

O’zbekiston24 телеканалининг эслатиб ўтишича, Тошкент шаҳридаги йўналиш тармоқлари жамоат транспорти ҳаракатланишини яхшилаш учун мақбуллаштирилмоқда. Транспорт вазирлиги ахборот-хизматининг хабар беришича, мақбуллаштириш натижасида йўловчилар кунига камида 30 дақиқа вақтларини тежашади.

Катта йўловчилар оқимига эга бўлган магистрал кўчаларда экспресс-автобус йўналишлари ташкил этилади. Йил охирига қадар Фарғона йўли кўчаси бўйлаб Compass савдо марказидан Амир Темур хиёбонигача йўналишни ташкил қилиш режалаштирилган.

"Тошшаҳартрансхизмат" бошқаруви раисининг ўринбосари Абдужамил Азизовнинг таъкидлашича, компания пойтахт ҳокимияти билан биргаликда электробусларни синовдан ўтказишни бошлаган. Маълум бўлишича, электробуснинг битта қуввати 300 километрдан ортиқ масофага етади. 20 та электробуслар ва улар учун қувватловчи қурилмаларни сотиб олиш, шунингдек инфратузилмани яратиш кўзда тутилган.

Электробуслар ортиқча йўналишга эҳтиёжни ва йўллардаги тирбандликни кескин камайтиради. Тезюрар йўналишда ҳаракатланиш оралиғи 4-5 дақиқадан ошмайди. Бундан ташқари, электробуслар зарарли чиқиндилар чиқармаслиги боис, шаҳар атмосферасини яхшилайди.

Абдужамил Азизов барча электробуслар электрон йўналиш кўрсаткичлари, имконияти чекланган йўловчилар учун қулайликлар ва энг муҳими, кондиционер билан жиҳозланишини ваъда қилди.

"Менинг йўналишим" иловаси ишлаб чиқиш арафасида бўлиб, бу йўловчиларга нафақат танланган манзилгача борадиган йўналишни, балки йўл кира ҳаққини ҳам ҳисоблаш имконини беради.

Бир нечта автобуслардан фойдаланаётган тошкентликлар учун мақбуллаштирилган тарифли электрон карталар жорий этилади.

Йўналиш тармоғини мақбуллаштириш лойиҳаси бўйича бўшаган ҳаракат таркиби метро линияси ва турар-жой массивларига олиб бориладиган транспорт йўналишларига қаратилади.



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0изоҳлар

  • Изоҳлар мавжуд емас

Рухсат олингШарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+