Ўзбекистон, Тошкент – Batafsil.uz. Тошкент вилояти ИИББ Паркент тумани Сўқоқ қишлоғида эшак гўштидан шашлик тайёрлангани тўғрисидаги хабарни инкор қилган. Бу ҳақда Batafsil.uz мухбири хабар бермоқда.
Олдинроқ ижтимоий тармоқларда “Паркент тумани Сўқоқ қишлоғида эшак гўштидан таом (шашлик) тайёрланмоқда, эҳтиёт бўлинг” каби хабар тарқатилганди.
ИИББнинг қайд этишича, ушбу ҳолат Тошкент вилояти ҳудудида эмас, ноқонуний кушхона фаолият юритиб келган Қашқадарё вилоятида қайд этилган. Бу ерда эшаклар уларнинг гўштини сотиш учун сўйиб келинган. Хусусий уйда антисанитярия шароитида тўрт нафар эркак бу иш билан шуғулланган.
Гўшт қаерга етказиб берилгани ҳозирча номаълумлигича қолмоқда. Ички ишлар идоралари томонидан тергов олиб борилмоқда.
Сўқоқ -Тошкент вилоятида жойлашган кичик бир қишлоқ. Бу жой ажойиб дарахтлари ва кўркам тоғлари билан машҳур. Бу ер ҳақиқий "рус" ўрмонини кўриш мумкин бўлган мамлакатдаги ягона жой ҳисобланади.
Изоҳлар мавжуд емас