Ўзбекистон, Тошкент - Batafsil.uz. Ҳукуматда икки собиқ вазир бошқа лавозимларга ўтказилгани маълум бўлди. Қўнғиротбой Шарипов ва Эъзозхон Каримова эгаллаб турган лавозимларидан озод этилган.
Маълумотларга кўра, Қўнғиротбой Шарипов Тошкент давлат иқтисодиёт университети ректори этиб тайинланган. У 2024 йилнинг февраль ойидан бери Олий таълим, фан ва инновациялар вазири лавозимида фаолият юритиб келаётган эди.
Эъзозхон Каримова эса Республика Маънавият ва маърифат маркази раҳбарининг биринчи ўринбосари лавозимига тайинланган. У ушбу тайинловга қадар, 2025 йилнинг августидан буён Мактабгача ва мактаб таълим вазири сифатида ишлаб келаётган эди.
Маълумот учун, шу йилнинг октябрь ойи бошида Президент фармонига асосан Мактабгача ва мактаб таълим вазирлиги ҳамда Олий таълим, фан ва инновациялар вазирлиги бирлаштирилиб, ягона Таълим ва илм-фан вазирлиги сифатида қайта ташкил этилган эди.
Изоҳлар мавжуд емас