Ўзбекистон, Тошкент - Batafsil.uz. Наманган вилоятида ФВВ ходимлари кўча ҳожатхонасининг ахлат чуқурига тушиб кетган бир ёшли болани қутқариб қолишди. Ҳодиса кеча кечқурун Уйчи тумани "Муборак" маҳалласида бола қаровсиз қолганида содир бўлган, деб хабар бермоқда Batafsil.uz мухбири.
Бошқарма матбуот хизматининг хабар беришича, қутқарувчилар воқеа жойига зудлик билан етиб келишган. Улардан бири чуқурга тушиб, чақалоқни олди. Шифокорлар томонидан жабрланувчига тиббий ёрдам кўрсатилиб, яқинларига топширилди.
Ҳозир бола ўзини яхши ҳис қиляпти. Фавқулодда вазиятлар вазирлиги ота-оналарни ёш болаларни қаровсиз қолдирмасликка чақирмоқда.
Аввалроқ Фавқулодда вазиятлар вазирлиги қутқарувчилари бир неча соатлик қидирувдан сўнг ота-онаси тоғда унутиб қолдирган тўрт ёшли болани тирик топишганди.
Изоҳлар мавжуд емас