Ўзбекистон, Тошкент – Batafsil.uz. Мухбиримиз берган маълумотга кўра, UzAuto Motors компанияси Chevrolet Onix сотуви бошлангани тўғрисидаги хабарни инкор қилган.
Эслатиб ўтамизки, бир кун аввал ижтимоий тармоқларда Onix намойиш этилган лавҳа тарқалган эди. Видеоролик муаллифлари таъкидлаганидек, Ўзбекистонда автомобилнинг тахминий нархи 12-13 минг доллар, двигател 1.0 турбо, шаҳарда ёқилғи сарфи 100 км га - 8 литрни ташкил этади.
UzAuto Motors компанияси тақдим этилган маълумотлар асоссиз эканини расман маълум қилган. Бугун сотиш учун таклиф қилинган автомобиллар рўйхатини компаниянинг uzautomotors.com расмий веб-сайтида кўриш мумкин.
"Эътибор берсангиз, ушбу видео муаллифи сотувлар бошланиши ҳақида гапирмаган. Бундан ташқари, қўшимча маълум қиламизки, ёқилғи сарфи анча тежамли, ҳар 100 км га 6 литрни ташкил қилади. Автомобиллар сотуви ва нархлари ҳақида компаниянинг расмий веб-сайтлари ва ижтимоий тармоқлардаги саҳифаларида ёки бот @uzavtosavdo_bot Телеграм бот орқали билиб олишингиз мумкин. Бундан ташқари, компаниянинг колл-маркази доимо хизматингизда", - дея қайд этмоқда UzAuto Motors.
Изоҳлар мавжуд емас