Ўзбекистон Хитойнинг FD-2000 зенитли ракета комплексларини синовдан ўтказишни бошлади

25 October 2019, 14:59 19 ... Жамият
Ўзбекистон Хитойнинг  FD-2000  зенитли ракета комплексларини  синовдан ўтказишни бошлади

Ўзбекистон, Тошкент – Batafsil.uz ЯА. Ўзбекистон Хитойнинг узоқ масофага мўлжалланган FD-2000 зенитли ракета комплексларини синовдан ўтказишни бошлади. Бу ҳақида Batafsil.uz мухбири хабар бермоқда.

“Ўзбекистон жанубидаги Қашқадарё вилоятида жойлашган Ҳаво ҳужумидан мудофаа қўшинлари ва Ҳарбий ҳаво кучлари ҳарбий қисм шахсий таркиби Навоий вилоятидаги “Кулқудуқ” полигонида ўтказилаётган FD-2000 турига мансуб ракеталарнинг амалий синовида иштирок этмоқда. Давлатимизнинг ҳаво хавфсизлигини таъминлашга қаратилган FD-2000 турига мансуб ракеталар синови биринчи маротаба ўтказилмоқда”, - деб таъкидлашди Мудофаа вазирлиги масъуллари.

Узоқ масофага мўлжалланган FD-2000 зенитли ракета комплекси туну-кун ва исталган об-ҳаво шароитларида душман самолётлари, қанотли ракеталари ва вертолётларига зарба беришга мўлжалланган.

Мазкур ракеталар Хитой ҳаво ҳужумидан мудофааси тизимининг учинчи авлодига мансуб мукаммал қурол ҳисобланиб, юқори жанговор самарадорлиги билан тавсифланади. Комплекс душман томонидан қўлланилиши мумкин бўлган турли ҳаво ҳужуми воситаларига қарши муносиб жавоб беришга қодир. Бундан ташқари, у “ер-ер” синфига мансуб тактик баллистика ракеталарини тута оладиган Хитойнинг биринчи комплекси ҳисобланади.

Матнни тайёрлади:
  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Рўйхатга қайтиш