Ўзбекистон, Тошкент - Batafsil.uz. Мамлакатимиздаги тижорат банкларидан 500 долларигача бўлган нақд чет эл валютасини шахсни тасдиқловчи ҳужжатсиз харид қилиш имконияти яратилди. Мазкур янги тартиб 2026 йил 9 августдан эътиборан расман кучга кирди.
Расмий хабарга кўра, илгари банк шохобчаларидан ҳужжатсиз олиш мумкин бўлган чеклов 100 долларни ташкил этган. Янги қоида билан ушбу меъёр беш бараварга оширилди.
Шунингдек, мазкур ташаббусни илгари сурувчи қарор май ойида Адлия вазирлиги томонидан давлат рўйхатидан ўтказилган. Ҳужжатга мувофиқ, янги меъёр уч ойлик муддат ўтгач амалиётга татбиқ этилиши белгиланган.
Марказий банк ва Иқтисодий жиноятларга қарши курашиш департаменти томонидан эълон қилинган лойиҳага кўра, молия муассасалари мижозларни биометрик паспорт, ID карта ёки рақамли идентификация орқали текшириши шарт бўлади. Шу билан бирга, пул ўтказмалари ҳамда бошқа молиявий операциялар бўйича маълумотларни батафсил қайд этиш талаблари янада кучайтирилади.
Олдинроқ 2022 йилдан бошлаб Ўзбекистон ва Қозоғистон чегарасида "Ғишткўприк" божхона пости орқали паспортсиз ўтиш имконияти яратилгани хақида хабар берган эдик.
Изоҳлар мавжуд емас