Ўзбекистон, Тошкент - Batafsil.uz. 27–31 июль кунлари Ўзбекистонда ҳаво ҳарорати меъёрдан 2–3 даража юқори бўлади. Айрим ҳудудларда кундузи ҳаво 42 даражагача исийди.
"Ўзгидромет" маълумотига кўра, ҳафтанинг охиригача республика бўйлаб қуруқ ва кам булутли об-ҳаво сақланиб қолади. Кундузи ҳаво ҳарорати аксарият ҳудудларда 37–40 даражани ташкил этади, шимолий, жанубий вилоятлар ҳамда чўл ҳудудларида эса 41–42 даражагача кўтарилади.
Ёғингарчилик кутилмайди. Айрим шимолий, жанубий ва чўл ҳудудларида шамол тезлиги секундига 13–18 метргача кучайиши, баъзи жойларда чанг-тўзон кузатилиши мумкин.
Тошкент шаҳрида ҳам ҳафта давомида кам булутли ва ёғингарчиликсиз об-ҳаво бўлиши прогноз қилинмоқда. Кундузи ҳаво 38–39 даража, кечаси эса 23–25 даража атрофида бўлади. Шарқий йўналишдан эсувчи шамол тезлиги секундига 3–8 метрни ташкил этади.
Изоҳлар мавжуд емас