Ўзбекистон, Тошкент - Batafsil.uz. "Ўзгидромет" хизмати жорий иш ҳафтаси давомида мамлакатимизда кузатиладиган об-ҳаво прогнозини эълон қилди. Унга кўра, ҳафта давомида республика бўйлаб беқарор об-ҳаво шароити ҳукм суради ва вақти-вақти билан қисқа муддатли ёмғирлар ёғади.
Шамол тезлиги одатда сониясига 7-12 метрни ташкил этади, бироқ баъзи жойларда 13-18 метргача, айниқса, 18-19 май кунлари эса баъзида сониясига 20-22 метргача кучайиб, айрим ҳудудларда чанг-тўзонларини келтириб чиқариши мумкин. Тоғ олди ва тоғли ҳудудларда эса вақти-вақти билан кучли ёмғир ёғиши ва момақалдироқ кузатилиши кутиляпти, бу эса сел-сув тошқини ҳодисалари юзага келишига сабаб бўлиши мумкин. Республика бўйича ҳаво ҳарорати бугун кундузи 30-35 даража иссиқ бўлса, кейинчалик ҳарорат 25-28 даражадан 30-32 даражагача ўзгариб туради.
Пойтахт Тошкентда ҳам ҳафта давомида об-ҳаво ўзгарувчан бўлади. Бугун кечга томон бироз қисқа муддатли ёмғир ёғиши, момақалдироқ бўлиши мумкин, ҳаво ҳарорати эса 33-35 даража иссиқ атрофида шаклланади.
Эртага, 19 май куни кечаси ва кун давомида вақти-вақти билан ёмғир ёғиб, момақалдироқ бўлиши кутилмоқда. Шу сабабли ҳарорат кундузи 25-27 даражагача пасаяди, кечаси эса 18-20 даража илиқ бўлади. Ҳафтанинг чоршанба куни, яъни 20 майда пойтахтда ёғингарчилик кутилмайди ва кундузи ҳаво ҳарорати қайта кўтарилиб, 30-32 даража иссиқни, кечаси это 17-19 даражани ташкил этади.
Иш ҳафтасининг сўнгги кунларида, 21-22 майда эса яна вақти-вақти билан қисқа муддатли ёмғир ёғиши ва момақалдироқ бўлиши мумкин, бу кунларда ҳарорат асосан кечалари 15-20 даража, кундуз кунлари эса 25-30 даража атрофида бўлиши прогноз қилинмоқда.
Изоҳлар мавжуд емас