Ўзбекистон, Тошкент - Batafsil.uz. 2025 йилда Ўзбекистонда оналар ўлимини 25 фоизга камайтиришга эришилди. Бу ҳақда Batafsil.uz мухбирига соғлиқни сақлаш вазири ўринбосари Элмира Боситхонова матбуот анжуманида маълум қилди.
Унинг сўзларига кўра, бу давлат ва халқаро ҳамкорлар кўмагида оналар ва болалар саломатлигини яхшилашга қаратилган комплекс чора-тадбирлар натижасидир.
"Биз ҳозирнинг ўзидаёқ оналар ўлими чорак қисмга камайгани ҳақида гапиришимиз мумкин. Аммо аниқ натижалар, жумладан, бунга сарфланган маблағлар ва эришилган кўрсаткичлар 2026 йил январь ойидан кейин маълум бўлади. Барча маълумотлар ҳозирда Миллий статистика қўмитаси билан биргаликда аниқлаштирилмоқда", - деди Боситхонова.
Аввалроқ, 2026 йил 1 январдан бошлаб Ўзбекистонда ҳомиладорлик ва туғиш нафақаларини тайинлаш ва тўлаш проактив режимда - аризаларсиз бошланиши ҳақида хабар берилган эди.
Изоҳлар мавжуд емас