Ўзбекистон, Тошкент - Batafsil.uz. Ўзбекистонда 2026 йилнинг январь–май ойларида амалга оширилган қурилиш ишларининг асосий қисми бино ва иншоотлар барпо этишга йўналтирилди. Ушбу йўналишда бажарилган ишлар умумий қурилиш ҳажмининг 70,4 фоизини ташкил этди.
Миллий статистика қўмитаси маълумотларига кўра, жорий йилнинг дастлабки беш ойида иқтисодий фаолият турлари бўйича бажарилган қурилиш ишлари ҳажми 105 триллион сўмдан ортиқни ташкил этган.
Қурилиш соҳасида энг катта улуш бино ва иншоотлар қурилиши ҳиссасига тўғри келиб, ушбу йўналишда 73,9 триллион сўмлик ишлар бажарилган.
Шу даврда фуқаролик объектлари қурилиши йўналишида 21,1 триллион сўмлик, ихтисослаштирилган қурилиш ишлари бўйича эса 10 триллион сўмлик ишлар амалга оширилган.
Статистик маълумотлар қурилиш соҳасида асосий фаоллик янги бинолар ва иншоотлар барпо этиш йўналишида сақланаётганини кўрсатмоқда.
Шунингдек, 2026 йилнинг январь–апрель ойларида Ўзбекистонда фуқаролик объектлари қурилиши бўйича 16,3 триллион сўмлик қурилиш ишлари бажарилганди. Бу ўтган йилнинг мос даврига нисбатан 15 фоизга кўп.
Изоҳлар мавжуд емас