Ўзбекистон, Тошкент - Batafsil.uz. Ўзбекистонда 2026 йилнинг январь–июнь ойларида 50 ёш ва ундан катта бўлган 694 нафар аёлнинг никоҳи расман қайд этилган. Миллий статистика қўмитаси маълумотларига кўра, шу даврда мамлакатда жами 92,3 мингта никоҳ қайд этилган.
Қайд этилган никоҳларда аёлларнинг энг катта қисми 20–30 ёш гуруҳига тўғри келади. Ушбу ёшда 49 280 нафар аёл турмуш қурган.
20 ёшгача бўлган аёллар ўртасида 32 902 та никоҳ қайд этилган. 31–40 ёш гуруҳидаги аёллар 7 570 нафарни, 41 ёш ва ундан катталар эса 2 562 нафарни ташкил этган.
Статистикага кўра, 50 ёш ва ундан катта ёшда турмуш қурган 694 нафар аёл 41 ёшдан катталар гуруҳига ҳам киради. Маълумотлар 2026 йилнинг биринчи ярмида ФҲДЁ органларида расмийлаштирилган никоҳларни қамраб олади.
Олдинроқ Сенат оилавий ажримлар статистикасини очиқлаганди: 7 ойда 29 мингдан ортиқ оила ажрашган эди, медиация ва тайёрлов тизими кутилган натижани бермаяпти.
Изоҳлар мавжуд емас