Ўзбекистон, Тошкент – Batafsil.uz. Жазони ижро этиш муассасаларидан чиққан ўзбекистонликларга 9,2 миллион сўм миқдорида бир марталик моддий ёрдам кўрсатилади. Пуллардан шахсий бизнесни ривожлантириш учун фойдаланиш мумкин. Бу ҳақда Адлия вазирлиги маълумотларига ҳавола қилган ҳолда мухбиримиз хабар бермоқда.
Бу озодликдан маҳрум қилиш жазосини ўтаган фуқароларнинг ижтимоий мослашувига кўмаклашиш учун "бирламчи ижтимоий ва моддий ёрдам пакети"ни тақдим этиш тартиби тўғрисидаги Низомда назарда тутилган.
Собиқ маҳбуснинг ижтимоий мослашувига кўмаклашиш учун бир марталик пул ёрдами энг кам иш ҳақининг ўн баравари (9,2 миллион сўм) миқдорида кўрсатилади. Маблағ тадбиркорлик, архитектура, ҳунармандчилик каби соҳалардаги лойиҳаларни амалга оширишга йўналтирилиши керак.
Маблағлар ушбу масалани кўриб чиқиш учун идоралараро доимий комиссияларнинг қарорлари асосида берилади. Ёрдам олувчилар жазони ўтаганидан кейин уч ойлик муддат ичида ўзларининг аниқ лойиҳаларини илова қилган ҳолда ишчи органга ариза топширадилар.
Ёрдам олувчиларнинг лойиҳасини молиялаштиришнинг мақсадга мувофиқлиги тўғрисида хулоса тайёрлаш қуйидаги мезонларга асосланади:
-
режалаштирилган тадбиркорлик, архитектура ёки ҳунармандчилик фаолиятининг самарадорлиги ва рентабеллиги;
-
маҳалла фуқаролар йиғинининг ижобий тавсияси;
-
кам таъминланганлик ёки ёлғизлик;
-
қарамоғида ногирон ёки вояга етмаган боланинг бўлиши;
-
кўп болалик (4 ёки ундан ортиқ) ва молиявий ёрдамга эҳтиёж;
-
нотурар биноларда яшаш.
Изоҳлар мавжуд емас