Ўзбекистон, Тошкент - Batafsil.uz. Тошкент 2027 йилда "Туркий дунёнинг туризм пойтахти" мақомига эга бўлади. Бу ҳақда 7 ноябрь куни Истанбулда бўлиб ўтган VI Халқаро "Қўрқут ота" туркий дунё кинофестивалининг ёпилиш маросимида маълум қилинди.
Тадбир доирасида 2026 йилги туризм пойтахти Анқаранинг рамзий калити Ўзбекистон Республикаси Туризм қўмитаси раиси Абдулазиз Аккуловга топширилган.
Маросимда Туркия Республикаси маданият ва туризм вазири Меҳмет Нури Эрсой иштирок этган.
У Тошкентнинг мазкур мақомга эга бўлганини эътироф этиб, Ўзбекистоннинг бой тарихий-маданий мероси, ўзига хос анъаналари ва туристик салоҳиятини алоҳида таъкидлаган.
Шунингдек, ушбу мақом туркий давлатлар ўртасидаги туризм алоқаларини янада ривожлантириш учун янги имкониятлар яратишини қайд этган.
Абдулазиз Аккулов фестиваль иштирокчиларини табриклаб, туркий давлатлар вакилларини келгуси йили Тошкентга ташриф буюришга таклиф қилган.
Шу билан бирга, киноижодкорларни Ўзбекистоннинг тарихий масканлари, қадимий шаҳарлари, табиати ва маданий меросини ўз ижодий ишларида намоён этишга чақирган.
Аввалроқ Ўзбекистон ва Туркия ўртасида савдо ва инвестициявий ҳамкорликни мустаҳкамлаш учун кенгаш тузилиши ҳақида хабар берилганди.
Изоҳлар мавжуд емас