Ўзбекистон, Тошкент - Batafsil.uz. Ўзбекистон ва Туркия ўртасидаги иқтисодий ва савдо алоқаларини ривожлантириш мақсадида Бизнес ҳамжамиятларини қўллаб-қувватлаш бўйича Юқори даражадаги кенгаш ташкил этилади. Президентлар Шавкат Мирзиёев ва Режеп Таййип Эрдоған томонидан 2026 йил 29 октябрь куни имзоланган келишувга кўра, мазкур тузилма ўзаро савдо ҳажмини ўрта муддатда 10 миллиард долларга етказишни мақсад қилинган.
Хорижий ОАВ хабарларида таъкидланишича, ушбу кенгаш икки давлат ўртасидаги инвестиция ва савдо соҳасидаги ҳамкорликни кенгайтиришга хизмат қилади.
Кенгаш Ўзбекистон Президенти Администрацияси раҳбари ва Туркия вице-президенти Жевдет Йилмазнинг ҳамраислигида фаолият юритиб, мунтазам равишда йиғилиб туради.
Мунтазам учрашувлар орқали қўшма савдо ҳамда инвестиция лойиҳаларини жадаллаштириш, давлат органлари ва ишбилармонлик тузилмалари ўртасидаги шерикликни янада кучайтириш кўзда тутилган.
Икки мамлакат етакчилари томонидан белгилаб берилган ўзаро савдо ҳажмини дастлаб 5 миллиард долларга, ўрта муддатда эса 10 миллиард долларга етказиш борасидаги мақсадларга эришишда мазкур кенгаш муҳим қадам экани қайд этилган.
Савдо вазирлиги икки давлат ўртасидаги алоқаларни юқори босқичга кўтариш ҳамда ишбилармонларга ҳар томонлама кўмак бериш учун кенгаш фаолияти қатъий қўллаб-қувватланишини билдирган.
Аввалроқ Ўзбекистон ва Туркия ўзаро товар айирбошлаш ҳажмини 5 миллиард долларга етказиш учун савдо тўсиқларини камайтириш ва экспорт-импорт тартибларини соддалаштиришга келишганди.
Изоҳлар мавжуд емас