Ўзбекистон, Тошкент - Batafsil.uz. 2026 йилнинг январь ойида Ўзбекистонга қарийб 1 миллион нафар хорижий сайёҳ келди.
Миллий статистика қўмитаси маълумотларига кўра, ой давомида республикамизга жами 950 278 нафар турист ташриф буюрган. Бу ўтган йилнинг шу даврига нисбатан 271,6 минг нафарга ёки 40 фоизга кўп демак.
Асосий туристлар қайси давлатлардан?
Ташриф буюрувчиларнинг катта қисми қўшни давлатлар ҳиссасига тўғри келмоқда. Хусусан, энг кўп туристлар Қирғизистон (282,8 минг), Тожикистон (244,3 минг) ва Қозоғистондан (207,8 минг) келган. Шунингдек, кучли бешликдан Россия ва Афғонистон жой олган.
Туристлар сони бўйича давлатлар рейтинги:
Қирғизистон – 282 798 нафар
Тожикистон – 244 373 нафар
Қозоғистон – 207 858 нафар
Россия – 69 070 нафар
Афғонистон – 43 572 нафар
Туркманистон – 28 150 нафар
Хитой – 25 666 нафар
Туркия – 12 740 нафар
Ҳиндистон – 6 095 нафар
Жанубий Корея – 3 237 нафар
Мутахассислар фикрича, бундай ўсиш мамлакатда туризм инфратузилмаси ва хизматлар сифатининг изчил ривожланаётгани билан изоҳланмоқда.
Зиёрат туризмига қўшимча рағбат
Эслатиб ўтамиз, Ўзбекистонда зиёрат туризми йўналишида фаолият юритаётган туроператорларни молиявий қўллаб-қувватлаш дастури амалга оширилмоқда. 2026 йил якунига қадар "Умра плюс" дастури доирасида Малайзия ва Индонезиядан жалб қилинган ҳар бир турист учун компанияларга 100 доллар миқдорида субсидия ажратилиши белгиланган.
Изоҳлар мавжуд емас