Ўзбекистон, Тошкент - Batafsil.uz. Ўзбекистон ташқи ишлар вазирига янги ўринбосар тайинланди. Мирвоҳид Азимов ушбу лавозимни эгаллади, тегишли тайинлов президент қарорига мувофиқ амалга оширилди.
Ташқи ишлар вазирлигида бўлиб ўтган йиғилишда вазирлик жамоасига ТИВ раҳбарининг янги ўринбосари Азимов Мирвоҳид Мирилясович таништирилди. Тайинловга қадар у Туркий давлатлар ташкилоти Бош котибининг ўринбосари лавозимида ишлаб, ташкилотга аъзо давлатлар ўртасидаги кўп томонлама ҳамкорликни ривожлантиришда иштирок этган.
Ташқи ишлар вазирлиги янги вазир ўринбосарининг касбий тажрибаси ва халқаро фаолияти Ўзбекистоннинг ташқи сиёсий йўналишини янада мустаҳкамлаш ва халқаро ҳамкорликни ривожлантиришга хизмат қилишига ишонч билдирди.
Изоҳлар мавжуд емас