Ўзбекистон, Тошкент - Batafsil.uz. Бугун, 27 март куни Ўзбекистон президенти Шавкат Мирзиёев Ўзбекистон-Тожикистон саммитининг иккинчи кунидаги тадбирларда иштирок этиш учун Бухорога келди. Шаҳар халқаро аэропортида давлат раҳбари мамлакатимизда давлат ташрифи билан бўлиб турган Тожикистон президенти Имомали Раҳмонни кутиб олди.
Бухорога ташриф дастури расмий кутиб олиш маросими билан бошланди, унда олий мартабали меҳмон шарафига миллий қўшиқ ва рақслар ижро этилди. Ушбу тадбир куни кеча Тошкентда бошланган дипломатик мулоқотнинг давоми бўлди.
Бугунги тадбирлар режасида қадимий шаҳарнинг тарихий-меъморий ёдгорликларини зиёрат қилиш, шунингдек, вилоятдаги қатор саноат корхоналари фаолияти билан танишиш кўзда тутилган. Ушбу ташрифлар давлат раҳбарларига умумий маданий меросни асраб-авайлаш масалаларини ҳамда иқтисодий ҳамкорликни янада ривожлантириш истиқболларини муҳокама қилиш имконини бериши кутилмоқда.
Изоҳлар мавжуд емас