Ўзбекистон, Тошкент - Batafsil.uz. Бош прокуратура ҳузуридаги Иқтисодий жиноятларга қарши курашиш департаментининг Қашқадарё вилояти бошқармаси томонидан тадбиркорлик субъектларининг ҳуқуқий ҳимоясини таъминлаш мақсадида терговга қадар текширув ўтказилди. Унда йирик миқдордаги талон-торожлик ҳолати аниқланди.
Маълум бўлишича, масъулияти чекланган жамият шаклидаги қўшма корхонанинг Қарши шаҳридаги омборхона товаршуноси ва шу корхона экспедитори ўзаро тил бириктирган. Улар ўзларига ишониб топширилган, умумий қиймати 2 миллиард сўмни ташкил этувчи алкоголь маҳсулотларини нақд пулга сотиб юбориб, тушган маблағларни ўзлаштириш йўли билан талон-торож қилганлар.
Мазкур ҳолат юзасидан ушбу шахсларга нисбатан Ўзбекистон Республикаси Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилган. Ҳозирда ҳолат юзасидан тегишли тергов ҳаракатлари олиб борилмоқда.
Олдинроқ Сурхандарёда 6 миллиард сўмлик кредит маблағлари талон-тарож қилинганди.
Изоҳлар мавжуд емас