Ўзбекистон, Тошкент - Batafsil.uz. 6 июнь куни кечқурун Чиноз тумани Яллама қишлоғида 17 ёшли ўсмирнинг мурдаси зўрлик аломатлари билан топилган. Иш бўйича гумонланувчи сифатида унинг синфдоши ўтмоқда.
Дастлабки маълумотларга кўра, ўсмир онаси билан телефон орқали мулоқотдан сўнг дўстлари билан қисқа муддатга учрашишини айтиб, уйдан чиққан. Кейинчалик унинг кўплаб пичоқ жароҳатлари бўлган жасади қишлоқ уйларидан бирининг ёнидан топилган. Аниқланишича, қотиллик маҳаллий футбол майдони ҳудудида содир этилган.
Мазкур ҳолат юзасидан Жиноят кодексининг 97-моддаси (Қасддан одам ўлдириш) билан жиноят иши қўзғатилган. Гумонланувчи қўлга олинган. Ҳозирда тергов ҳаракатлари, жумладан, суд-тиббий ва криминалистик экспертизалар ўтказилмоқда.
Изоҳлар мавжуд емас