Наманган аэропортида 1,1 миллиард сўмлик олтинни "жонли контейнер" усулида Ҳиндистонга олиб чиқмоқчи бўлганлар ушланди Ўзбекистон янгиликлари

Ўзбекистон, Тошкент - Batafsil.uz. Наманган халқаро аэропортида тегишли орган ходимлари томонидан ўтказилган тезкор тадбирда 1,1 миллиард сўмлик олтин ва заргарлик буюмларини мамлакатдан ноқонуний олиб чиқишга бўлган уринишнинг олди олинди. Тадбир давомида "Наманган – Деҳли" йўналишида учиб кетмоқчи бўлган Андижон ва Фарғона вилоятларида яшовчи 5 нафар фуқаро тўхтатилиб, махсус текширувдан ўтказилган.

Текширув натижасида фуқаролар ўзларининг ички аъзоларидан "жонли контейнер" сифатида фойдаланиб, умумий оғирлиги 555 грамм бўлган куйма олтин бўлаклари ҳамда 200 грамм заргарлик буюмларини таналарига яшириб олиб чиқмоқчи бўлгани аниқланган.

Ҳозирда мазкур ҳолат юзасидан ҳуқуқни муҳофаза қилувчи органлар томонидан терговга қадар текширув ҳаракатлари олиб борилмоқда.

Аввалроқ Тошкент вилоятида 240 минг долларни мамлакатдан ноқонуний олиб чиқмоқчи бўлганлар аниқланганди.

Ўзбекистон бўйлаб янгиликлар: Telegram-каналга уланинг

Наманган аэропортида 1,1 миллиард сўмлик олтинни "жонли контейнер" усулида Ҳиндистонга олиб чиқмоқчи бўлганлар ушланди

0 изоҳлар

Бошқа янгиликлар

Чорвоқ сув омборида чўкиб кетган уч кишидан иккинчисининг жасади топилди

Саида Мирзиёева Тошкент халқаро молия маркази бошқарувчиси лавозимига тайинланди

Писком дарёсида чўкиб кетган 30 ёшли фуқаронинг жасади 15 кунлик қидирувдан сўнг топилди

Лотин ёзувига асосланган ўзбек алифбосида энди 28 та ҳарф бор

Жавоҳир Синдаров рапид бўйича жаҳон рейтингида иккинчи ўринга чиқиб олди

Давлат банклари активлари ҳисобидан 40 минггача иш ўрни яратиш режалаштирилмоқда