Ўзбекистон, Тошкент - Batafsil.uz. Ўзбекистонлик гроссмейстер Жавоҳир Синдаров Live Rapid жаҳон рейтингида иккинчи ўринга кўтарилди. Унинг кўрсаткичи 2742,6 баллга етди.
Синдаров 10,6 рейтинг очкоси билан бирданига тўрт поғонага кўтарилди. У Ян Непомняший, Хикара Накамура ва Алиреза Фирузжани ортда қолдирди. Фақат Магнус Карлсен ўзбекистонликдан юқорида жойлашган.
Ўзбекистоннинг яна бир вакили Нодирбек Абдусатторов эса, аксинча, бир поғона пастлаб, 13-ўринни эгаллаб турибди. Унинг рейтинги 2704,4 очкони ташкил этади. Шундай қилиб, ҳозирда кучли ўн бешликка бир вақтнинг ўзида иккита ўзбекистонлик гроссмейстер кирди.
Live Rapid рейтинги реал вақт режимида янгиланади, шунинг учун шахматчиларнинг позициялари ҳар бир ўйиндан кейин ўзгариши мумкин.
Изоҳлар мавжуд емас