Ўзбекистон, Тошкент - Batafsil.uz. Нукусда Мажбурий ижро бюроси ходимлари таркибида спирт бўлган ноқонуний маҳсулотларнинг катта партиясини: қарийб 6 минг литр тайёр алкоголь маҳсулотлари ва 2 минг литрдан ортиқ этил спиртини йўқ қилди.
Бош прокуратура ҳузуридаги Иқтисодий жиноятларга қарши курашиш департаменти матбуот котиби Фаррух Тошпўлатовнинг маълум қилишича, товарлар Бош прокуратура ҳузуридаги Иқтисодий жиноятларга қарши курашиш департаменти томонидан қўзғатилган ишлар доирасида суд қарорлари билан олиб қўйилиб, йўқ қилиш учун юборилган. 12 ноябрь куни тегишли идоралар вакиллари иштирокида маҳсулотлар йўқ қилинди.
Аввалроқ Самарқанд вилоятида 20 минг шиша сохталаштирилган спиртли ичимликлар йўқ қилинган эди.
Эслатиб ўтамизки, 2025 йил бошида Самарқандда бир кунда беш киши вафот этган эди. Уларнинг барчаси сифатсиз ароқдан заҳарланган.
Изоҳлар мавжуд емас