Ўзбекистон, Тошкент - Batafsil.uz. 2026 йилги футбол бўйича жаҳон чемпионатида гуруҳ босқичининг навбатдаги учинчи тур учрашувлари якунланди. Гуруҳда бир қатор мамлакатлар плей-офф масаласини узил-кесил ҳал қилди.
G гуруҳида Белгия Янги Зеландияни 5:1 ҳисобида мағлуб этиб, 7 очко билан биринчи ўринни эгаллади ва плей-оффга чиқди. Миср эса Эрон билан 1:1 ҳисобида дуранг ўйнаб, 5 очко тўплади ҳамда ўз тарихида илк бор жаҳон чемпионати плей-оффига йўлланма олди. Эрон эса энг яхши учинчи ўрин соҳиблари қаторида кейинги босқичга чиқиш имкониятини сақлаб қолди.
H гуруҳида Испания Уругвайни 1:0 ҳисобида мағлуб этиб, 7 очко билан гуруҳ ғолиби бўлди. Кабо-Верде Саудия Арабистони билан 0:0 ҳисобида дуранг ўйнади ва 3 очко билан иккинчи ўринни эгаллаб, тарихида илк бор плей-оффга чиқди. Энди Африка вакили 1/16 финалда амалдаги жаҳон чемпиони Аргентинага қарши майдонга тушади. Уругвай эса мусобақани тарк этди.
I гуруҳида Франция Норвегияни 4:1 ҳисобида мағлуб этиб, барча учрашувда ғалаба қозонди. Усмон Дембеле биринчи бўлимнинг ўзида хет-трик қайд этиб, жаҳон чемпионатларида сўнгги 32 йилда биринчи бўлимда бундай натижага эришган илк футболчига айланди.
Гуруҳнинг иккинчи учрашувида Сенегал Ироқни 5:0 ҳисобида таслим этди ва энг яхши учинчи ўрин соҳиблари қаторида плей-оффга чиқиш имкониятини сақлаб қолди.
1/16 финалда Франция Швецияга қарши, Норвегия эса Кот-д'Ивуар билан баҳс олиб боради.
Эслатиб ўтамиз, Жазоир ҳам Иорданияни мағлуб этиб, плей-офф учун имкоятини
сақлаб қолганди.
Изоҳлар мавжуд емас