Ўзбекистон, Тошкент - Batafsil.uz. Ижтимоий тармоқларда ҳали вояга етмаган фарзанд ўз онаси томонидан мунтазам равишда жисмоний зўравонлик ва жинсий тегажоғликка учраганини ҳикоя қилган видеомурожаат тарқалди. Жабрланувчининг сўзларига кўра, она унга нисбатан ножўя ҳаракатлар содир этган ва жисмоний тазйиқ ўтказган.
Видеода сўзлаган фарзанднинг таъкидлашича, онаси уни чўмилтириш баҳонасида мунтазам равишда жинсий аъзоларига тегинган ва қўлларини тиқиб олган. Бунинг оқибатида боланинг аҳволи ёмонлашган.
Бундан ташқари, у ўн ёшлигида онаси томонидан порнографик мазмундаги мултфилмьларни кўришга мажбурлангани ва номаълум суюқлик берилганини маълум қилган.
Фарзанд онаси уни мунтазам равишда калтаклагани, пўписа қилгани ҳамда шунга ўхшаш жинсий хусусиятга эга ножўя ҳаракатларни содир этганини, ўлдириш билан таҳдид қилганини билдирган.
Ҳозирда ушбу ҳолат бўйича тегишли мутасадди идоралар томонидан расмий муносабат билдирилмаган.
Олдинроқ Наманган вилоятидаги боғчалардан бирида хўжалик мудири томонидан ёш қизчага нисбатан жинсий тегажоғлик содир этилгани ҳақида хабар берган эдик. Ижтимоий тармоқларда гувоҳлар томонидан юборилган янги маълумотларга кўра, ҳолат бир марта эмас, мунтазам содир этилиб келинган.
Изоҳлар мавжуд емас