Ўзбекистон, Тошкент - Batafsil.uz. Ўзбекистон дипломатлари Польшада вафот этган икки нафар фуқаронинг жасадини Ватанга олиб келишда ёрдам берди. Транспорт харажатлари Миграция жамғармаси ҳисобидан қопланди.
Фуқаролардан бири 24 август куни Ольштин шаҳрида баландликдан йиқилиб, оғир бош мия жароҳати олганидан сўнг вафот этган. Унинг жасади 5 сентябрь куни Ўзбекистонга олиб келинди.
Яна бир фуқаро 5 сентябрь куни Щецин шаҳрида вафот этган. Расмий маълумотларга кўра, унинг ўлимига қоқшол касаллиги сабаб бўлган. Унинг жасади 20 сентябрь куни Тошкентга етказилди.
Ўзбекистоннинг Польшадаги элчихонаси жасадларни Ватанга олиб келиш билан боғлиқ ҳужжатларни расмийлаштириш ва транспорт масалаларини Польша томони билан мувофиқлаштирди.
Шунингдек, марҳумларнинг яқинларига ташкилий масалаларни ҳал қилишда ёрдам кўрсатилди ва улар транспорт харажатларини қоплаш заруратидан халос этилди.
Аввалроқ Қозоғистоннинг Қизилўрда вилоятида йўл-транспорт ҳодисасида ҳалок бўлган уч нафар Ўзбекистон фуқаросининг жасадлари ҳам Ватанга олиб келинган эди.
Изоҳлар мавжуд емас