Ўзбекистон, Тошкент - Batafsil.uz. Россиянинг Санкт-Петербургга яқин ҳудудда содир бўлган жанжал оқибатида бир киши ҳалок бўлди. Воқеа юзасидан Ўзбекистон фуқароси гумонланмоқда.
Маълум қилинишича, 25 апрель куни кечқурун Свердлов қишлоғида икки эркак ўртасида муштлашув юз берган. Жанжалдан сўнг улардан бири воқеа жойини тарк этган, иккинчиси эса ерда ҳаракатсиз ҳолда қолган.
Ҳодиса жойига етиб келган шифокорлар жабрланувчининг вафот этганини аниқлаган. У Твер вилоятидан бўлган 45 ёшли фуқаро экани маълум қилинган. Марҳумнинг ўнг чакка қисмида жароҳат излари борлиги қайд этилган.
Тергов органлари ҳолатни эҳтиётсизлик оқибатида ўлимга олиб келган қасддан оғир тан жароҳати етказиш сифатида баҳолаган. Гумонланувчи сифатида ишсиз 31 ёшли Ўзбекистон фуқароси ушбу қишлоқда қўлга олинган.
Дастлабки маълумотларга кўра, жанжалга қиз масаласи сабаб бўлган. Тергов ҳаракатлари давом этмоқда.
Бундан олдин Новосибирскда 3 ёшли ўзбек қизалоғи ўгай ота томонидан ўлдирилганлиги айтилганди.
Изоҳлар мавжуд емас