Ўзбекистон, Тошкент - Batafsil.uz. Самарқанд вилояти Ургут туманида одам ўлими билан боғлиқ йўл-транспорт ҳодисаси содир бўлди. Ҳалокат қурбони фуқаролик ишлари бўйича туман суди раиси бўлган.
Ҳуқуқ-тартибот идораларининг маълум қилишича, ЙТҲ 2025 йил 17 июнь куни "Боғишамол" маҳалласи ҳудудидан ўтувчи 4Р-47 автомобиль йўлининг 61-километрида содир бўлган. Воқеа жойида КамАЗ-53212 юк машинаси ва енгил Nexia 3 тўқнашиб кетган.
Тўқнашув оқибатида енгил автомобиль ҳайдовчиси - Ургут туман суди раиси Темур Рустамов воқеа жойида вафот этган.
Тергов органлари жиноят иши қўзғатди. Ҳодисанинг сабаблари ва барча ҳолатларини аниқлаш учун тергов ишлари олиб борилмоқда.
Изоҳлар мавжуд емас