Ўзбекистон, Тошкент - Batafsil.uz. Самарқанд вилоятида 28 ёшли аёлнинг ўлдирилиши бўйича иш олиб борилмоқда - тергов версиясига кўра, уни ўз эри бўғиб ўлдирган. Марҳума икки фарзанднинг онаси бўлган. Қариндошларининг сўзларига кўра, у кўп йиллар давомида нафақат турмуш ўртоғи, балки унинг оиласи томонидан ҳам уйдаги зўравонликдан азият чеккан.
Яқинларининг таъкидлашича, қайнона ва қайнсингиллар аёлни мунтазам равишда камситган ва босим ўтказган. Оила жанжалкашлар рўйхатида бўлган - аввалроқ эркак хотинини калтаклагани учун жавобгарликка тортилган ва 15 сутка маъмурий қамоқда бўлган. Шундан сўнг, оила профилактик ҳисобга қўйилди, аммо кейинчалик чиқариб юборилди - расман муносабатлар "тартибга солинган" деб ҳисобланган.
Фожиа юз берган куни аёлнинг онасига қариндоши томондан қунғироқ бўлган, қизи эри томондан ўа шавқатсизларча калтаклангани айтилган. Қариндошлари уйга келганида, уй аллақачон ҳуқуқ-тартибот идоралари томонидан ўраб олинган бўлган. Шу ерда уларга қизлари ўлгани ҳақида хабар беришган.
Гумонланувчига нисбатан қасддан одам ўлдириш моддаси бўйича жиноий иш қўзғатилди. У қамоққа олинган, тергов олиб борилмоқда.
Шунингдек, қариндошларининг айтишича, аёлнинг жасади узоқ вақт дафн этиш учун топширилмаган. Кечикишнинг расмий сабаблари уларга тушунтирилмаган.
Бу Самарқанд вилоятида сўнгги вақтларда ўлим билан тугаган оилавий зўравонлик билан боғлиқ биринчи ҳолат эмас. Аввалроқ Тойлоқ туманида оилавий можаро оқибатида 33 ёшли хонанда Зебойижахон (асл исми Зебинисо Носирова) ўлдириб кетилгани ҳақида хабар берилганди.
Воқеа 26 июль куни тушдан кейин аёл алоҳида яшайдиган уйда содир бўлган. Тергов маълумотларига кўра, эркак болалар билан кўришиш учун унинг олдига келган, бироқ улар ўртасида жанжал келиб чиққан. Жанжал пайтида эркак буғгани натижада аёл воқеа жойида вафот этган.
Изоҳлар мавжуд емас