Ўзбекистон, Тошкент - Batafsil.uz. Сирдарё туманидаги М-39 автомобиль йўлида юк машинаси ҳаракатланиб кетаётган вақтда ёниб кетган.
Вилоят Фавқулодда вазиятлар бошқармаси хабарига кўра, ёнғин 4 август куни соат 20:04 ларда автомобиль йўлининг 879-километрида, "Фурқат" МФЙ ҳудудида содир бўлган.
Ёнғин мотор бўлими ва кабинани қамраб олган, тиркама қисман шикастланган. Воқеа жойига ўт ўчирувчилар зудлик билан етиб бориб, ёнғин соат 20:31 да бартараф этилган.
Жабрланганлар йўқ. Ёнғин сабаблари аниқланмоқда.
Эслатиб ўтамиз, 1 август куни Тошкентнинг Янгиҳаёт туманида IVECO юк машинаси 9 та енгил автомобилни уриб юборганди.
Изоҳлар мавжуд емас