Ўзбекистон, Тошкент - Batafsil.uz. Сурхондарё вилояти Ангор туманида фермер хўжалиги раҳбари 7,7 гектар ер майдонини ноқонуний равишда расмийлаштириб бериш эвазига пул талаб қилган вақтда қўлга олинди.
Тезкор тадбир маълумотларига кўра, у 54 ёшли фуқаро номига ерни расмийлаштириб бериш учун 800 миллион сўм сўраган ва аввалдан 520 миллион сўмни олган.
Қайд этилишича, ДХХ ҳамда тегишли идора ходимлари томонидан ўтказилган тезкор тадбирда у қолган 280 миллион сўмни олган пайтда ашёвий далиллар билан ушланган.
Ҳозирда мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
Бундан олдин Қўштепалик фермер 3,7 гектар ерни 7 гектар деб алдаб сотмоқчи бўлган вақтида ушланганди.
Изоҳлар мавжуд емас