Ўзбекистон, Тошкент - Batafsil.uz. Денов туман суди Lacetti ҳайдовчиси ва унинг икки қариндошини патруль хизмати ходимларига ҳужум қилганликда айбдор деб топди. Натижада эркак уч йил, аёллар эса икки йил-у олти ойдан озодликни чеклаш жазосига ҳукм қилинди.
Эслатиб ўтамиз, воқеа 1 май куни содир бўлган. Ҳайдовчи йўл ҳаракати қоидаларини бузгани учун тўхтатилган. У инспекторларнинг талабларига бўйсунишдан бош тортган, қариндошлари эса аралашиб, у билан бирга жисмоний куч ишлатган. Натижада патруль ходимлари тан жароҳати олган.
Уларнинг барчаси Жиноят кодексининг 277-моддаси ("Безорилик") бўйича айбдор деб топилган.
Аввалроқ Ўзбекистонда йўл хизмати ходимларига нисбатан бундай тажовуз ҳолатлари қайд этилган эди. Хусусан, Тошкент шаҳрида яшовчи аёл ва унинг таниши инспекторни ҳақорат қилгани ва унга қаршилик кўрсатгани учун жаримага тортилган бўлса, Сурхондарё вилоятида аёл ички ишлар бўлимида жанжал қилгани учун тўрт суткага қамалди ва 7,5 миллион сўм жаримага тортилди.
Изоҳлар мавжуд емас