Ўзбекистон, Тошкент - Batafsil.uz. Денов вилоятида муқаддам судланган шахс қарз эвазига Тожикистон фуқаросини ноқонуний равишда асирликда ушлаб келгани ва унга оғир тан жароҳатлари етказгани аниқланди.
Денов шаҳрида яшовчи, 33 ёшли фуқаро Душанбе шаҳрида истиқомат қилувчи танишига 11 000 доллар миқдорида қарз берган. Пулларни қайтариш кафолати сифатида қарздорнинг шериги, 33 ёшли Тожикистон фуқароси Деновда гаров сифатида қолдирилган. Бироқ, маблағлар белгиланган муддатда қайтарилмаганидан сўнг, уй эгаси гаровдаги шахсни тутқунликда сақлаб, унга нисбатан турли қийноқларни қўллаган ва оғир даражадаги тан жароҳати етказган.
Ҳуқуқни муҳофаза қилиш органлари томонидан ўтказилган тинтув ва кўздан кечириш жараёнида гумонланувчининг хонадонида асирликда ушлаб турилган фуқаро ва зўравонлик ҳолатлари тасдиқланган.
Воқеа жойидан тан жароҳатлари етказилганда ишлатиладиган тиббий воситалар ва бошқа ашёвий далиллар олинган.
Мазкур ҳолат юзасидан зўравонлик содир этган Денов шаҳрида яшовчи шахсга нисбатан жиноят иши қўзғатилган.
Гумонланувчи қамоққа олинган. Ҳозирда тергов ҳаракатлари давом этмоқда.
Аввалроқ Сурхондарёда уюшган жиноий гуруҳ аъзолари 17 ёшли фуқарони машинасига ўтирғизиб, кимсасиз ерга олиб бориб, бўйнига пичоқ тираб, нотаниш одамларни жисмоний қийноққа солган видеоларни кўрсатиш ва ўлдириш билан таҳдид қилганди. Ундан бўлиб-бўлиб олиш орқали жами 39 800 доллар миқдоридаги маблағни тортиб олган эди.
Изоҳлар мавжуд емас