Ўзбекистон, Тошкент - Batafsil.uz. Оҳангарон сув омборида чўмилаётган 19 ёшли икки қиз чўкиб кетди. Учинчисини қутқаришга муваффақ бўлинди. Бу ҳақда туман прокуратураси маълум қилди.
Ҳодиса Оҳангарон тумани "Чинор" маҳалласи ҳудудида содир бўлган. Тергов маълумотларига кўра, 19 ва 16 ёшли уч дугона 28 июль куни кундузи сув ҳавзасига боришган. Чўмилиш пайтида катта қизлар сув остида узоқ қолиб кетиб, қайтиб чиқмаган.
Қутқарув гуруҳи тирик қолган мактаб ўқувчисини сувдан олиб чиқишга муваффақ бўлди. Ўша куни кечқурун сув ҳавзаси қирғоғида йўқолганлардан бирининг жасади топилди. 29 июль куни эрталаб ФВВ ходимлари иккинчи қизнинг жасадини топди.
Ўлим сабабларини аниқлаш учун суд-тиббий экспертизалари тайинланган. Ҳозирда прокуратура томонидан терговга қадар текширув ҳаракатлари олиб борилмоқда, унинг натижалари бўйича процессуал қарор қабул қилинади.
Эслатиб ўтамиз, "Янги Ўзбекистон" боғидаги сув ҳавзасида бир йигит чўкиб кетган эди. Қутқарувчилар жасадни сувдан чиқариб олишди, аммо уни қутқаришнинг иложи бўлмади.
Изоҳлар мавжуд емас