Ўзбекистон, Тошкент - Batafsil.uz. Америкалик тадбиркор ва SpaceX асосчиси Илон Маскнинг бойлиги 1 триллион долларлик чегарадан пастга тушди. Bloomberg Billionaires Index маълумотларига кўра, ҳозирда бизнесменнинг умумий капитали 957 миллиард долларни ташкил этмоқда.
Bloomberg агентлиги индекси асосан компаниялар акциялари қийматига таяниб ҳисобланади. Охирги ўзгаришлар натижасида Маскнинг бойлиги 118 миллиард долларга камайган.
Эслатиб ўтамиз, 12-июн куни Илон Маск SpaceX компанияси акцияларининг кескин ўсиши ортидан дунё тарихидаги илк триллионер инсон сифатида қайд этилган эди. Шу тариқа, у ушбу мақомни бор-йўғи икки ҳафтага яқин вақт давомида сақлаб турди.
Қизиқарлиси шундаки, ҳисоб-китоб методологиясидаги фарқлар туфайли икки нуфузли нашр маълумотлари бир-биридан фарқ қилмоқда. Bloomberg Маскнинг бойлигини 957 миллиард доллар деб баҳолаётган бўлса, Forbes журналининг ҳисоб-китобларига кўра, у ҳамон 1,1 триллион долларлик капиталга эгалик қилмоқда.
Молия бозорларидаги бундай тебранишлар Маскнинг бойлиги катта қисми айнан унинг компаниялари акцияларига боғлиқлигини яна бир бор намойиш этмоқда.
Изоҳлар мавжуд емас