Ўзбекистон, Тошкент - Batafsil.uz. Тошкентда 2026 йил 7 ноябрь куни "Тошшахартрансхизмат" нинг 18-автобус саройига қарашли 82-йўналишда ишлаган ҳайдовчи бахтсиз ҳодиса оқибатида вафот этди. Маълумотларга кўра, автобус бекатда тўхтатилганидан кейин ўз-ўзидан ҳаракатлана бошлаган, уни тўхтатишга уринган ҳайдовчи эса транспорт воситаси остида қолган.
Ҳодиса йўловчилар автобусдан туширилганидан кейин, транспорт воситаси тўхтатилган пайтда содир бўлган. Ҳайдовчи автобуснинг қўл тормозини фаоллаштирмасдан уни тарк этган.
Автобус ҳаракатлана бошлаганини кўргач, уни тўхтатишга уринган ҳайдовчи ғилдираклар остида қолган.
Маълумот учун, бу Тошкентда автобуснинг қўл тормози фаоллаштирилмагани оқибатида ҳайдовчи ҳалок бўлган биринчи ҳолат эмас.
2025 йил 20 декабрь куни Сергели туманида ҳам автобус ўз-ўзидан ҳаракатланиб, унинг олди томонига ўтган ҳайдовчини икки транспорт воситаси орасида қисиб қўйганди.
Изоҳлар мавжуд емас