Ўзбекистон, Тошкент - Batafsil.uz. Парагвай Сенати президент Сантьяго Пеняни Ueno Bank билан боғлиқ молиявий инқироз ортидан лавозимидан четлатди. 44 сенатор импичментни қўллаб-қувватлади, вице-президент Педро Альяна эса мамлакатнинг янги президенти сифатида қасамёд қилди.
Мамлакатдаги йирик рақамли банк — Ueno Bank фаолиятида юзага келган муаммолар миллионлаб мижозларнинг ўз маблағларидан фойдалана олмай қолишига сабаб бўлган.
Банк Марказий банк назоратига олинган, унинг тўлов қобилияти билан боғлиқ жиддий муаммолар аниқланган.
Мухолифат Пеняни банк билан аввалги бизнес алоқалари, манфаатлар тўқнашуви ва давлат маблағларининг банкка йўналтирилишида айблаган.
Хусусан, давлат пенсия жамғармасининг банкдаги маблағлари ҳам савол остига олинган. Пеня эса айбловларни рад этган.
Қизиғи, президент импичментдан бир кун аввал истеъфога чиқиш ҳақида ариза берган, аммо парламент уни қабул қилмаган. Лавозимидан четлатилганидан кейин прокуратура қарори билан у уй қамоғига олинган.
Ҳозирда собиқ президентга нисбатан ишончни суиистеъмол қилиш ва мансаб ваколатидан фойдаланиш эҳтимоли бўйича тергов олиб борилмоқда.
Аввалроқ Эрон депутатлари ташқи ишлар вазири Аббос Арақчига импичмент талаб қилганди.
Изоҳлар мавжуд емас