Ўзбекистон, Тошкент - Batafsil.uz. Яккасарой туманида икки нафар вояга етмаган болага нисбатан жинсий тажовуз содир этилгани юзасидан жиноят иши қўзғатилди. Айбланувчи қамоққа олинган. Бу ҳақда Бош прокуратура матбуот котиби Ҳаёт Шамсутдинов Batafsil.uz сўровига жавобан маълум қилди.
Унинг маълум қилишича, жиноят иши Жиноят кодексининг 129-моддаси 3-қисми ва 228-моддаси билан қўзғатилган.
Тергов доирасида жабрланувчиларнинг кўрсатувлари текширилиб, суд-психиатрия ва суд-психологик экспертизалари тайинланган.
Ҳозирда экспертиза хулосаларини олиш ва жиноят ишини судга юбориш бўйича тергов ҳаракатлари давом эттирилмоқда.
Эслатиб ўтамиз, Batafsil.uz аввалроқ Тошкентда ота томонидан вояга етмаган қизларга нисбатан жинсий тажовуз содир этилгани аниқлангани ҳақида хабар берган эди.
Изоҳлар мавжуд емас