Ўзбекистон, Тошкент - Batafsil.uz. Тошкентда ҳокимият мутахассиси тадбиркорнинг дўконини "снос" рўйхатига киритмаслик эвазига пул талаб қилган. Пора олаётган вақтида ҳуқуқни муҳофаза қилиш органлари ходимлари томонидан ушланган.
Маълум булишича, Учтепа тумани ҳокимлигининг Уй-жой коммунал хизмат кўрсатиш ва ободонлаштириш бўлими бош мутахассиси тадбиркорга тегишли савдо дўконини бузилишдан сақлаб қолишни ваъда қилган. У ўз хизмати эвазига 3 минг доллар сўраган ва мазкур маблағни олаётган вақтида ашёвий далиллар билан қўлга олинган.
Ҳозирда унга нисбатан Жиноят кодексининг 168-моддаси (Фирибгарлик) ва 211-моддаси (Пора беришда шериклик) билан жиноят иши қўзғатилган.
Гумонланувчига нисбатан "қамоқ" эҳтиёт чораси қўлланилган.
Ҳозирда тергов ҳаракатлари давом этмоқда ва ҳолатга алоқадор бошқа шахсларнинг бор-йўқлиги текширилмоқда.
Эслатиб ўтамиз, Давлат кадастрлар палатаси Бўстонлиқ туман филиали ходими ҳам ер майдони ҳужжатларини сохталаштириб бериш эвазига пора олаётган вақтда ҳуқуқ-тартибот органлари томонидан ушланганди.
Изоҳлар мавжуд емас