Ўзбекистон, Тошкент - Batafsil.uz. Ўзбекистонда жорий йилнинг дастлабки беш ойида наркотик воситалар савдоси билан шуғулланган 59 та йирик уюшган жиноий гуруҳ фаолиятига барҳам берилди.
Ҳуқуқ-тартибот идоралари маълумотига кўра, тезкор тадбирлар натижасида мазкур гуруҳларнинг 15 нафар етакчиси ва 199 нафар аъзоси қўлга олинган. Шунингдек, 15 та яширин нарколаборатория фош этилган.
Операциялар давомида 1,2 тонна наркотик модда, 54 килограмм синтетик наркотик, 4,6 миллион дона психотроп дори воситаси ва 3 тоннадан ортиқ прекурсор мусодара қилинган.
Шу билан бирга, уюшган жиноятчиликка қарши кураш доирасида 40 та жиноий гуруҳ фаолияти тугатилган. Уларнинг 48 нафар етакчиси, жумладан, олти нафари хориждан ушлаб келинган. Шунингдек, 224 нафар аъзо қўлга олинган.
Маълум қилинишича, мазкур гуруҳлар мамлакатнинг 50 та шаҳар ва туманида талончилик, товламачилик, безорилик ва бошқа оғир жиноятларни содир этиб келган.
Наркожиноятчиликка қарши кураш доирасида Қозоғистон, Тожикистон ва Қирғизистон ҳуқуқни муҳофаза қилувчи органлари билан ҳамкорликда етти марта халқаро тезкор тадбир ўтказилган.
Бундан олдин Фарғонада қўшни давлатдан контрабанда йўли билан олиб келинган 24 килограммдан ортиқ "гашиш" моддаси ашёвий далил сифатида қўлга олинганди.
Изоҳлар мавжуд емас